ហេតុផលទាំង៥ដែលអ្នកគួរងូតទឹកត្រជាក់ពេលក្រោកពីគេងនៅពេលព្រឹកព្រលឹមៈ
ហេតុផលទាំង៥ដែលអ្នកគួរងូតទឹកត្រជាក់ពេលក្រោកពីគេងនៅពេលព្រឹកព្រលឹមៈ
១.វាធ្វើឱ្យអ្នករឹងមាំ
វាបានធ្វើឱ្យខ្ញុំរឹងមាំ ពិសេសវាបានធ្វើឱ្យខ្ញុំចាកចេញពីតំបន់ងាយស្រួល
(comfort zone)។ នៅពេលព្រឹកហេតុផលដែលយើងភ្ញាក់ពីគេងហើយមិនចាកចេញពីគ្រែដោយសារតែនៅលើគ្រែរបស់យើងវាមានភាពកក់ក្តៅ។
ដូចនេះហើយបើចង់ឱ្យឆាប់ស្វាងចូរប្រញាប់ទៅងូតទឹកត្រជាក់តាមដែលអាចធ្វើបាន
(២នាទីក៏បានដែរ)។ ការធ្វើបែបនេះអាចធ្វើឱ្យយើងយកឈ្នះ Comfort Zone ដែលធ្វើឱ្យយើងរឹងមាំ
និងមានអារម្មណ៍យកឈ្នះលើខ្លួនឯងបាន។
២.វាប្រសើរជាងការញ៉ាំកាហ្វេ
កាហ្វេ គឺជាភេសជ្ជៈមួយមុខដែលស្ទើរតែគ្រប់ជនជាតិចូលចិត្តញ៉ាំពេលព្រឹក
រួមបញ្ចូលទាំងខ្ញុំផងដែរ។ ការញ៉ាំកាហ្វេអាចធ្វើឱ្យយើងស្វាងពីគេង តែការណ៍ដែលងូតទឹកត្រជាក់ពីព្រលឹម
គឺមានគុណសម្បត្តិជាងការញ៉ាំកាហ្វេទៅទៀត។ ទី១ការញ៉ាំកាហ្វេធ្វើឱ្យយើងស្វាងដោយសារតែក្នុងកាហ្វេមានជាតិកាហ្វេអ៊ីន
រីឯការងូតទឹកត្រជាក់វីញធ្វើឱ្យយើងស្វាងតាមរយៈការពញាក់អរម៉ូនអាដ្រេណាលីន
(Adrenaline) ដល់ខួរក្បាល។
៣.វាធ្វើឱ្យយើងមិនខ្ជះខ្ជាយពេលវេលា
អ្វីដែលអាក្រក់បំផុតនោះគឺ នៅពេលដែលយើងងូតទឹកក្តៅនោះយើងនឹងមានអារម្មណ៍ថាមិនចង់ចាកចេញពីកន្លែងងូតទឹកនោះទេ។
ហើយពេលខ្លះក៏អាចធ្វើឱ្យយើងចង់ចូលគេងវិញដែរ។ រឿងដែលល្អបំផុតនោះគឺ លោកអ្នកគួរតែងើបពីម៉ោង
៥:១០នាទីព្រឹក រួចរៀបចំខ្លួនដើម្បីប្រឈមមុខនឹងពិភពលោក។
៤.ផ្តល់អត្ថប្រយោជន៍ដល់សុខភាពរបស់អ្នក
អ្នកដឹងហើយថា ទឹកត្រជាក់ត្រូវបានគេប្រើប្រាស់ដើម្បីបន្ថយការឈឺសាច់ដុំ។
មិនត្រឹមតែប៉ុណ្ណោះវាធ្វើឲ្យអ្នកស្រស់ស្រាយផងដែរ។ វាក៏បានបន្ថយសម្ពាធឈាម
ធ្វើឱ្យឈាមដើរស្រួល។
៥.ពង្រឹងការផ្តោតរបស់អ្នកឱ្យខ្លាំងជាងមុន
ពេលទឺកត្រជាក់ប៉ះខ្លួនក្នុងខណៈពេលណាក៏ដោយ អ្នកប្រាកដជាផ្តោតទៅលើតំបន់នោះជានិច្ច។
ក្នុងខណៈនោះផងដែរ អ្នកក៏មិនបានផ្តោតទៅលើរឿងអ្វីផ្សេងដែរ។ ការងូតទឺកត្រជាក់
គឺជាវិធីមួយយ៉ាងល្អ និងលឿនបំផុតក្នុងការធ្វើឱ្យចិត្តរបស់អ្នកស្រស់ស្រាយ
និងបង្កើនផលិតភាពនៃការងាររបស់អ្នកផងដែរ។
Comments
Post a Comment