ការធ្វើរឿងទាំង៥នេះនឹងនាំអ្នកឱ្យជោគជ័យនៅក្នុងជីវិត
ការធ្វើរឿងទាំង៥នេះនឹងនាំអ្នកឱ្យជោគជ័យនៅក្នុងជីវិតៈ
មនុស្សគ្រប់រូបតែងប្រាថ្នាចង់មាន ការអប់រំខ្ពស់ មានលុយច្រើន
ទទួលភាពជោគជ័យ និងជីវិតដែលមានភាពរីករាយមួយ។ ពួកគេចង់សម្រេចឱ្យបាននូវអ្វីគ្រប់យ៉ាង
និងចង់ធ្វើជាគម្រូដ៏ល្អសម្រាប់អ្នកដ៏ទៃ។ តែជាអកុសល ពួកគេក៏មានលេសនៅជាមួយនៅក្នុងនោះដែរ
ដែលលេសទាំងនោះហើយ បានរារាំងពួកគេទៅកាន់ផ្លូវជោគជ័យផងដែរ។
ប្រសិនបើអ្នកចង់ជោគជ័យ អ្នកគួរតែទទួលនូវអ្វីដែលជាការពិត
អ្វីដែលបានរារាំងអ្នកមិនឱ្យសម្រេចកិច្ចការនោះ។ អ្នកចាំបាច់ត្រូវតែរៀបចំក្នុងការប្រឈមមុខនឹង
ភាពភ័យខ្លាច ការប្រថុយ និងការបាក់ទឹកចិត្តជាច្រើនទៀត មុននឹងអ្នកអាចក្លាយទៅជាបុគ្គលដែលអាចលើកទឹកចិត្តដល់អ្នកដទៃទៀត។
ហើយខាងក្រោមនេះគឺជារឿងដែលអ្នកត្រូវតែ យល់ និងដឹង ក្នុងការដែលអ្នកប្រាថ្នាចង់ទទួលបានជោគជ័យ៖
១.មានចក្ខុវិស័យ
អ្នកមិនអាចជោគជ័យបានទេ ប្រសិនបើអ្នកមិនទាន់មានចក្ខុវិស័យដ៏ច្បាស់លាស់មួយ។
អ្នកត្រូវតែដឹងថា អ្វីដែលអ្នកកំពុងព្យាយាមសម្រេចវាដើម្បីទទួលបានភាពជោគជ័យ
ហើយចាប់ផ្តើមរៀបគោលដៅក្នុងការសម្រេចវា។ ចក្ខុវិស័យរបស់អ្នកត្រូវតែមានភាពច្បាស់លាស់
ហើយត្រូវបា្រកដក្នុងចិត្តថា អ្នកបានរំលឹកវាជារៀងរាល់ថ្ងៃ។ ចក្ខុវិស័យរបស់អ្នកកាន់តែច្បាស់កម្រិតណា
នោះភាពខ្លាំងខ្លាក្នុងការធ្វើវាឱ្យសម្រេចក៏មានកម្រិតខ្លាំងដូចគ្នាដែរ។
២.ភាពភ័យខ្លាចក្នុងការបរាជ័យ
មនុស្សភាគច្រើនមិនមានការប្រថុយនោះទេ ព្រោះតែពួកគេមានភាពភ័យខ្លាចក្នុងការបរាជ័យ។
តែពួកគេភ្លេចហើយថា បើមិនមានភាពបរាជ័យនោះទេ ជីវិតយើងក៏មិនមានភាពរីកចម្រើនផងដែរ។
មិនថាអ្នកកំពុងស្ថិតនៅក្នុងវិស័យណាមួយទេ ភាពបរាជ័យគឺជាផ្នែកមួយនៃភាពជោគជ័យ។
វាមិនខុសអ្វីដែលកំពូលអ្នកបណ្តុះបណ្តាលផ្នែកលក់ លោក Brian Tracy បាននិយាយថា
ប្រសិនបើអ្នកចង់ឆាប់ជោគជ័យជាងមុនពីរដង ចូរអ្នកបង្កើតភាពបរាជ័យឱ្យបានច្រើនជាងមុនពីរដង។
មួយវិញទៀត អ្នកបា្រកដជាមនុស្សបរាជ័យ ប្រសិនបើអ្នកបញ្ឈប់វា។
ដូច្នេះ ចូរមានភាពអត់ធ្មត់ មានភាពស៊ូទាំ្រ ហើយខំប្រឹងធ្វើអ្វីៗដែលស្ថិតក្នុងផែនការរបស់អ្នក
ដែលនាំអ្នកឱ្យទទួលភាពជោគជ័យ។
៣.ចូរមានភាពអត់ធ្មត់
អ្នកនឹងមិនអាចទទួលភាពជោគជ័យក្នុងរយៈមួយយ៉ាងខ្លីនោះទេ
បើទោះជាមានក៏វាជាភាពជោគជ័យនៅក្នុងរយៈពេលខ្លីដែរ។ ដូច្នេះ ចូរមានភាពអត់ធ្មត់តាមរយៈការរឿងដែលអ្នកដែលកំពុងនាំអ្នកទៅរកភាពជោជ័យ។
ចូររក្សាភាពអត់ធ្មត់ឱ្យមានលំនឹងថេរហើយធ្វើរឿងទាំងនោះដោយភាពសោមនស្ស។
៤.បង្កើតទម្លាប់ដ៏រឹងមាំមួយ
អ្នកត្រូវតែគិតថា ហេតុអ្វីបានជាអ្នកកំពុងធ្វើនូវអ្វីដែលយើងកំពុងធ្វើ?
អ្នកត្រូវតែបង្កើតទម្លាប់មួយដែលនាំអ្នកឱ្យធ្វើវាជាប្រចាំថ្ងៃ ពីព្រោះវាគឺជាដានផ្លូវដែលនឹងនាំអ្នកទៅរកភាពជោគជ័យ។
៥.ត្រៀមខ្លួនរួចជាស្រេចក្នុងការប្រឈមមុខនឹងហានិភ័យ
ការជោគជ័យគឺត្រូវតែមានហានិភ័យនៅជាមួយ។ អ្នកនឹងមិនអាចជោគជ័យបានទេ
ប្រសិនបើអ្នកមិនព្រមទទួលយកនូវហានិភ័យនៅពេលដែលចាំបាច់។ ហេតុនេះហើយ ចូរចាកចេញពីតំបន់សុវត្ថិភាពរបស់អ្នក
ឬតំបន់ដែលមានភាពងាយស្រួលរបស់អ្នក ហើយចាប់ផ្តើមធ្វើអ្វី ដែលអ្នកធ្លាប់ខ្លាចកាលពីបច្ចុប្បន្នមក។
តាមប្រមាញ់ក្តីស្រមៃរបស់អ្នក ឱ្យដូចជាមនុស្សរឹងមាំ ខ្លាំងខ្លាម្នាក់់ ហើយត្រូវតែសង្ឃឹមជានិច្ច។
ការសម្រេចនូវភាពជោគជ័យគឺមិនមានភាពងាយស្រួលនោះទេ។ អ្នកនឹងជួបជាមួយមនុស្ស
ដែលបដិសេធជាមួយអ្នក និងអ្នកដែលនិយាយថា “ទេ” នៅក្នុងផ្លូវទៅកាន់ភាពជោគជ័យនោះ។
ចូរអ្នកកុំផ្តល់ការចាប់អារម្មណ៍ជាមួយពួកគេ ហើយព្យាយាមសម្រេចអ្វី ដែលជាគោលដៅដ៏ធំរបស់យើងវិញ។
សរសេរដោយ Facebook Page: អាន
ថ្ងៃចន្ទទី២៤ខែធ្នូឆ្នាំ២០១៨ ម៉ោង ១១:១៧នាទី យប់។
Comments
Post a Comment