ច្បាប់នៃការស្រូបទាញ
ច្បាប់នៃការស្រូបទាញ៖
ស្តាប់ទៅវាហាក់ដូចជាស្រដៀង
នឹងច្បាប់មួយទាក់ទងនឹងច្បាប់របស់មុខវិជ្ជាមួយដែលមានឈ្មោះថា “ច្បាប់ទំនាញ”។
ពិតមែនហើយ គឺវាមិនខុសគ្នាប៉ុន្មានទេ ដោយមួយគេអនុវត្តន៍ក្នុងវិស័យវិទ្យាសាស្ត្រ
ឯមួយទៀតគេអនុវត្តន៍ចំពោះមនុស្ស។
យើងធ្លាប់សង្កេតឃើញទេថា
នៅពេលដែលយើងមានអារម្មណ៍ល្អ ពេលនោះអ្វីៗហាក់ដូចជាមានដំណើរការល្អ ហើយពេលខ្លះវាមានដំណើរការល្អលើសពីការរំពឹងទុកទៀតផង។
ឯពេលខ្លះដែលយើងមានអារម្មណ៍មិនល្អវិញ អ្វីៗដែលត្រូវដំណើរការល្អ បានប្រែទៅជាដំណើរការមិនល្អទៅវិញ។
នេះហើយគឺ ជាផ្នែកមួយនៃច្បាប់ស្រូបទាញ។
ព្រះពុទ្ធទ្រង់មានសង្ឃដិកាថា
“យើងនឹងក្លាយទៅជាអ្វីដែលយើងគិត”។ មែនហើយយើងស្តាប់មួយភ្លែតទៅសឹងតែមិនជឿ
ព្រោះវាមានអច្ឆរិយៈពេក។ តែប្រសិនបើយើងបានអានសៀវភៅអំពីអ្នកនិពន្ធល្បីៗ វិចិត្រករ
អ្នកចម្រៀង អ្នកជំនួញ… យើងប្រាកដជាសង្កេតឃើញថា ពួកគេសុទ្ធតែបានសរសេរអំពីច្បាប់មួយនេះ។
មែនហើយអ្នកប្រហែលជាភ្លេចហើយ
“យើងនឹងក្លាយជាអ្វីដែលយើងគិត” ដែលពាក្យមួយឃ្លានេះមិនមែនមានតែព្រះបរមគ្រូរបស់យើងទេ
គឺមានមនុស្សអស្ចារ្យដទៃទៀតដូចជា លោក Andrew Carnegie, Dale Carnegie, Earl
Nightangle, Anthony Robbins, Napoleon Hill, Robert T.Kiyosaki ជាដើម ដែលក្នុងនោះលោក
Robert T.Kiyosaki គ្រាន់តែប្រែអត្ថន័យបន្តិចថា “លុយគ្រាន់តែជាគំនិត ប្រសិនបើយើងគិតថា
លើពិភពលោកនេះសម្បូរទៅដោយទ្រព្យសម្បត្តិនោះយើងនឹងសម្បូរទ្រព្យសម្បត្តិ”។
សំណួរមួយដែលអ្នកអាចពិសោធន៍ទៅលើខ្លួនឯងចំពោះច្បាប់នេះគឺ “ហេតុអ្វីនៅពេលដែលយើងផ្តោតទៅលើបញ្ហា នោះយើងនឹងមានបញ្ហាជាប់មិនដាច់?”
ចម្លើយគឺដោយសារការគិតរបស់យើងនេះឯង។ ដោយការគិតរបស់យើងគឺមានរលកហ្រ្វេកង់
(Frequent) ដែលវានឹងឆក់ទាញទៅរកអ្វីដែលស្រដៀងនឹងការគិតរបស់យើង ឱ្យមករកយើង។
យើងគឺប្រៀបដូចជាដែកឆក់មួយដុំអញ្ចឹង ដែលអ្វីៗដែលស្រដៀងនឹងការគិតរបស់យើង
នឹងមករកយើងដោយប្រកែកពុំបាន។
រឿងនេះគឺជារឿងអស្ចារ្យ
និងសម្ងាត់មែនទែនដែលមានបុគ្គលតិចណាស់បានដឹងពីអនុភាពរបស់វា។ អ្វីដែលអស្ចារ្យនោះគឺ
បុគ្គលណាដែលបានដឹង បានយល់ពីអនុភាព នៃច្បាប់ទំនាញនេះភាគច្រើនគឺបានផ្លាស់ប្តូរជីវិតរបស់គាត់ស្ទើរតែទាំងស្រុង។
Comments
Post a Comment